វិធី ២ យ៉ាង ជួយឲ្យដើមទ្រូងធំដូចបំណង

មានមនុស្សស្រីជាច្រើនណាស់ ដែលខកចិត្តនឹងដើមទ្រូងពីធម្មជាតិរបស់ខ្លួន។ កត្តានេះហើយ ទើបធ្វើឲ្យពួកគេចំណាយពេលវេលាច្រើនធ្វើតេស្តវិធីសាស្ត្រផ្សេងៗដើម្បីទទួលបានសុដន់រីកធំដូចបំណង

តែមិនទទួលបានលទ្ធផលល្អឡើយ។

តើអ្នកគិតថា វាអាចទៅរួចទេមែនទេ? ពិតណាស់ ការធ្វើលំហាត់ប្រាណអាចជួយឲ្យរូបរាងដើមទ្រូងរបស់អ្នកខុសប្លែកពីមុន។ ក្រៅពីការហាត់ប្រាណ អ្នកក៏អាចប្រើឱសថធម្មជាតិដើម្បីជួយរឹតបន្តឹងដើមទ្រូងឲ្យតឹងណែនល្អ និងធាត់ទ្រលុកទ្រលន់។

ខាងក្រោមនេះជាវិធីសាស្ត្រដ៏មានប្រសិទ្ធិភាព ២ យ៉ាងដែលអាចជួយពង្រីកដើមទ្រូងឲ្យធំដូចបំណង ៖




វិធីសាស្ត្រធ្វើលំហាត់ប្រាណ
១. ដាក់ខ្លួនដេកលើបង់ (ប្រើគ្រែ ឬពូករបស់អ្នកក៏បាន ប្រសិនបើអ្នកគ្មានបង់)
២. កាន់ដុំដែកក្នុងដៃម្ខាងៗទម្ងន់ ៥ផោន
៣. លើកដៃរបស់អ្នកឡើងលើត្រង់
៤. រួចទម្លាក់ចុះត្រដាងដូចជាស្លាបយន្តហោះ
៥. អនុវត្តដដែលៗ ម្តងហើយម្តងទៀត។

អ្នកត្រូវធ្វើលំហាត់ប្រាណបែបនេះឲ្យបាន ៣ ដងក្នុង ១ថ្ងៃ ម្តងៗឲ្យបាន ១០។ លំហាត់ប្រាណនេះជួយពង្រឹងសាច់ដុំក្រោមដើមទ្រូង, លើដើមទ្រូង និងតំបន់ក្រោមក្លៀករបស់អ្នក។ ក្រោយរយៈពេលប្រហែល ១ខែ អ្នកនឹងចាប់ផ្តើមឃើញពីភាពខុសប្លែក។
ផ្សំឱសថធម្មជាតិដោយខ្លួនឯង
– ធាតុផ្សំតែមួយគត់គឺ ប្រេងអូលីវ។
– ដាក់ខ្លួនដេកលើគ្រែ ដោយដាក់ខ្នើយក្រោមខ្នងរបស់អ្នក។ យកប្រេងដាក់លើបាតដៃ រួចឈ្លីលើបាតដៃទាំងពីរចូលគ្នា។ ប្រើដៃម្ខាងៗម៉ាស្សាថ្នមៗជារង្វង់លើដើមទ្រូងរបស់អ្នក។ ម៉ាស្សាដើមទ្រូងម្ខាងៗឲ្យបាន ១០ដង។

ប្រសិនបើអ្នកប្រើប្រេងច្រើនពេក អ្នកអាចយកកន្សែងពោះគោជូតចេញ ប៉ុន្តែត្រូវទុកខ្លះ ព្រោះប្រេងនេះធ្វើឲ្យស្បែករបស់អ្នកកាន់តែតឹងណែនល្អ។ ធ្វើវិធីនេះឲ្យបានយ៉ាងហោចណាស់ ៣ដងជារៀងរាល់ថ្ងៃ នោះវានឹងធ្វើឲ្យដើមទ្រូងរបស់អ្នកកាន់តែតឹងណែនល្អ៕