មហារីកក្រពះ នៅដំណាក់កាលដំបូង ជាញឹកញាប់ មិនបង្កឱ្យមានរោគសញ្ញាអ្វីនោះទេ។ នៅពេលជំងឺមហារីកចេះតែវិវត្តន៍លូតលាស់ទៅមុខ វាអាចបង្កជារោគសញ្ញា ទូទៅបំផុតដូចខាងក្រោមនេះ។ មានអាការៈមិនមានផាសុខភាព ឬ ការឈឺចាប់នៅក្នុងតំបន់ពោះ ពិបាកក្នុងការលេប មានចង្អោរ និងក្អួត ការស្រកទម្ងន់ មានអារម្មណ៍ឆ្អែត ឬ ហើមពោះ បន្ទាប់ពី ការញុំាអាហារតិចតួច មានក្អួតឈាមឬ មានឈាមក្នុងលាមក ភាគច្រើន ជាញឹកញាប់ រោគសញ្ញាទាំងនេះ គឺមិនកំណត់សំគាល់ទៅលើតែជំងឺមហារីកទេ។ បញ្ហាសុខភាពផ្សេងទៀតៗ ដូចជា ដំបៅក្រពះ ឬ ការរលាកក្រពះ ក៏អាចបណ្តាលឱ្យ មានរោគសញ្ញាដូចគ្នានេះដែរ។ ប្រសិនបើមាននរណាម្នាក់ដែល មាន រោគសញ្ញាទាំងនេះ គួរតែទៅជួបជាមួយគ្រូពេទ្យ របស់ពួកគេ ដូច្នេះហើយទើបបញ្ហា អាចត្រូវបាន ធ្វើរោគវិនិច្ឆ័យច្បាស់លាស់ និងព្យាបាលតាមដែលអាចធ្វើបាន៕