ផលិតផលសម្រស់ផ្សេងៗច្រើន, សាប៊ូដុសខ្លួន និងសាប៊ូកក់សក់ ប៉ុន្តែតើអ្នកដឹងទេថា តើអ្នកជំនាញផ្នែកសុខភាពបាននិយាយអ្វីខ្លះ?
ហាមប្រើសាប៊ូដុសនៅលើតំបន់ឯកជនរបស់អ្នក!
យើងបានវ៉ឹកហាត់តាំងតែពីតូចមក ពីរបៀបថែរក្សាអនាម័យខ្លួនប្រាណ ហើយនេះជាមូលហេតុធ្វើឲ្យយើងព្យាយាមដុសសម្អាតគ្រប់ផ្នែកទាំងអស់នៃខ្លួនប្រាណ។ ប៉ុន្តែអ្នកជំនាញផ្នែកសុខភាព និងសម្រស់បានណែនាំថា ត្រូវប្រើទឹកតែម្យ៉ាងគត់ដើម្បីលាងសម្អាតតំបន់ឯកជនរបស់អ្នក។ ហើយក៏មិនឲ្យប្រើម្សៅលាបខ្លួន លាបលើតំបន់ឯកជនរបស់អ្នកដែរ។
យើងទាំងអស់គ្នាបានដឹងពីមូលហេតុដែលយើងមិនគួរប្រើសាប៊ូដុសខ្លួន ដើម្បីសម្អាតផ្ទៃមុខជាយូរមកហើយ។ សាប៊ូដុសខ្លួនអាចធ្វើឲ្យស្បែកមុខស្ងួត។ តើមានហេតុផលអ្វីដែលអ្នកមិនគួរប្រើសាប៊ូដុសខ្លួនដើម្បីដុសសម្អាតតំបន់ឯកជនរបស់អ្នក?
សេប៊ូម
តើអ្នកដឹងទេថា ហេតុអ្វីបានជាអ្នកមិនគួរប្រើសាប៊ូដុសខ្លួនសម្អាតលើកន្លែងផ្សេងទៀតនៃខ្លួនប្រាណរបស់អ្នក? ជាតិប្រេងធម្មជាតិរបស់រាងកាយនឹងត្រូវលាងជម្រះចេញអស់ ហើយវាក៏បានទៅបំផ្លាញសារធាតុពីធម្មជាតិប្រឆាំងនឹងវីរុសដែលបណ្តាលឲ្យឆ្លងមេរោគ។
ភាពស្ងួត
ប្រសិនបើអ្នកប្រើសាប៊ូដុសខ្លួនលាងសម្អាតតំបន់ឯកជនរបស់អ្នកជាប្រចាំ តំបន់ឯកជនរបស់អ្នកនឹងប្រែក្លាយជាស្ងួតខ្លាំង ហើយវាក៏អាចបណ្តាលឲ្យកើតបញ្ហាស្មុគស្មាញដូចជា៖ ការរលាក និងការប្រេះរន្ធគូថ។
ទឹក
លាយអំបិល ១ ស្លាបព្រាកាហ្វេជាមួយនឹងទឹកក្តៅ រួចប្រើវាដើម្បីលាងសម្អាតតំបន់ឯកជនរបស់អ្នក។
កូនៗ
នៅពេលឪពុកម្តាយដុសសម្អាតខ្លួនប្រាណរបស់កូន អ្វីដែលសំខាន់បំផុតត្រូវចងចាំថា សាប៊ូដុសខ្លួនដែលមានសារធាតុគីមីអាចបណ្តាលឲ្យរលាកក្បែរតំបន់ឯកជនរបស់ក្មេង។ យល់ល្អ គួរតែទៅប្រឹក្សាជាមួយនឹងអ្នកជំនាញផ្នែកសើស្បែកអំពីវិធីសាស្ត្រល្អៗ ដើម្បីលាងសម្អាតតំបន់ឯកជន ដោយមិនចាំបាច់ប្រើសាប៊ូ។
ក្លិនអសោច
ប្រសិនបើអ្នកចង់កម្ចាត់ក្លិនអសោចចេញពីលើខ្លួនប្រាណរបស់អ្នក អ្នកគ្រាន់តែប្រើសាប៊ូក្លិនស្រាលៗ ឬប្រើសាប៊ូតិចតួចលាងសម្អាតខ្លួនប្រាណ។ ប៉ុន្តែត្រូវជៀសវាងការប្រើវាលើតំបន់ឯកជនរបស់អ្នក៕