តើសិចប៉ុន្មានដងទើបគ្រប់គ្រាន់? សិចតែម្ដងក្នុងមួយសប្ដាហ៍គឺសមល្មមសម្រាប់គូស្វាមីភរិយាទូទៅ និងអ្នកដែលមានសម្ព័ន្ធមេត្រីយូរអង្វែង។ នេះបើតាមការសិក្សារបស់អាមេរិក បានឲ្យដឹងកាលពីថ្ងៃពុធកន្លងមកនេះ។
លទ្ធផលនៃការសិក្សាផ្អែកលើការស្ទង់មតិជនជាតិអាមេរិកជាង ៣ ម៉ឺននាក់រយៈពេលជាង ៤០ ឆ្នាំនិងបានចុះផ្សាយក្នុងទស្សនាវដ្ដីវិទ្យាសាស្រ្ដសង្គមផ្នែកចិត្តវិទ្យា និងចរិតវិទ្យា។
អ្នកដឹកនាំការសិក្សា អ្នកស្រី អាមី មូស ជាចិត្តវិទូសង្គម និងបណ្ឌិតបញ្ចប់ការសិក្សានៅសាកលវិទ្យាល័យតូរ៉ុនតូមីសស៊ីស៊ូហ្គា បានប្រាប់ថា៖ «ថ្វីដ្បិតតែការរួមភេទញឹកញយបង្កើនសុភមង្គលកាន់តែអស្ចារ្យយ៉ាងណាក៏ដោយ ក៏វាគ្មានអ្វីចាំបាច់លើសពីម្ដងក្នុងមួយសប្ដាហ៍»។
អ្នកស្រី អាមី បានបន្ដថា៖ «លទ្ធផលនៃការស្រាវជ្រាវបានបង្ហាញថា វាមានសារៈសំខាន់ក្នុងការរក្សាទំនាក់ទំនងផ្អែមល្ហែមជាមួយដៃគូ តែលោកអ្នកមិនចាំបាច់អីត្រូវតែខំរួមភេទរៀងរាល់ថ្ងៃឡើយ»៕