យន្តហោះចម្បាំងរុស្ស៊ីមួយគ្រឿងត្រូវទ័ពអាកាសរដ្ឋាភិបាលអង់ការ៉ាបាញ់ទម្លាក់នៅថ្ងៃអង្គារនេះនៅក្បែរព្រំដែនស៊ីរីនិងតួកគី។ តួកគីថា យន្តហោះរបស់រុស្ស៊ីនេះបានហោះរំលោភដែនអាកាសរបស់ខ្លួន តែមន្ត្រីយោធារុស្ស៊ីបានបដិសេធការចោទប្រកាន់នេះ។ នេះបើយោងតាមសារព័ត៌មានរដ្ឋរុស្ស៊ី RT ។
យន្តហោះចម្បាំងម៉ាក់ F-16 របស់ទ័ពអាកាសតួកគី បានបាញ់ទម្លាក់យន្តហោះរបស់រុស្ស៊ីមួយគ្រឿងនៅថ្ងៃអង្គារនេះ ហើយយន្តហោះនោះបានធ្លាក់ចូលក្នុងទឹកដីស៊ីរី។ មន្ត្រីយោធាតួកគីបានអះអាងថា ខ្លួនបាញ់យន្តហោះនោះដោយសារវាហោះចូលរំលោភលើដែនអាកាសរបស់ខ្លួន។
យ៉ាងណាក៏ដោយ ក្រសួងការពារជាតិរុស្ស៊ីបានអះអាងថា យន្តហោះ ដែលតួកគីបាញ់ទម្លាក់នេះមានម៉ាក Su-24 ហើយក្រសួងនេះបានទាត់ចោលការចោទប្រកាន់របស់កងទ័ពរុស្ស៊ីដែលថាយន្តហោះដែលត្រូវគេបាញ់ធ្លាក់នេះហោះរំលោភដែនអាកាសតួកគីដែរ។ យន្តហោះនេះបានហោះនៅក្នុងរយៈកម្ពស់ ៦គីឡូម៉ែត្រ ៕