យើងទាំងអស់គ្នាសុទ្ធតែស្រឡាញ់ និងចូលចិត្តទូរស័ព្ទឆ្លាតវៃរបស់យើងរៀងៗខ្លួន។ ប៉ុន្តែតើអ្នកមានដឹងថាយើងកំពុងតែប្រឈមមុខច្រើនប៉ុនណាពីការប្រើប្រាស់ទូរស័ព្ទប្រភេទនេះទៅ?
វេជ្ជបណ្ឌិតជនជាតិរ៉ូហ្ស៊ី និងអង្គការសុខាភិបាលសម្ព័ន្ធជាតិ (League of Nation’s Health Organization បានដាក់បម្រាមថា ទូរស័ព្ទមានគ្រោះថ្នាក់ដល់សុខភាពជាងយើងគិតទៅទៀត។ ភាគច្រើនពួកគេបារម្ភអំពីដែនអេឡិចត្រូម៉ាញ៉េទិច (Electromagnetic) និងឥទ្ធិពលរបស់វាទៅលើរាងកាយរបស់យើង។
វេជ្ជបណ្ឌិត Nikolai Kononov នាយករងនៃអង្គការសុខាភិបាលសម្ព័ន្ធជាតិ និយាយថា “គោលដៅដំបូងគេនោះគឺប្រព័ន្ធសរសៃប្រសាទ ប៉ុន្តែប្រព័ន្ធបញ្ចេញក្នុង និងប្រដាប់បន្តពូជក៏ជាគោលដៅរបស់វាដែរ។ យើងមិនបានហាមថាមិនឱ្យប្រើទូរស័ព្ទដៃទេ ប៉ុន្តែគ្រាន់តែលើកទឹកចិត្តដល់ពួកគេមានការប្រុងប្រយ័ត្នដោយសមហេតុផល ព្រោះថា៧០ភាគរយនៃអ្នកប្រើប្រាស់ទាំងអស់គឺរងសម្ពាធកាំរស្មីអេឡិចត្រូម៉ាញ៉េទិចពីទូរស័ព្ទដៃរបស់ពួកគេ។ មានការសិក្សាច្រើនណាស់បានបង្ហាញថា រាងកាយរបស់មនុស្សយើងមានការឆ្លើយតបទៅនឹងកាំរស្មីនេះ ហើយទោះបីជាវាមិនទាន់មានការសិក្សាមួយពេញលេញក៏ដោយ ក៏គ្មាននរណាម្នាក់និយាយវែកញែកថា ការប្រើប្រាស់ទូរស័ព្ទដៃទាមទារឱ្យមានការប្រុងប្រយ័ត្នដែរ”។
កាំរស្មីអេឡិចត្រូម៉ាញ៉េទិចគឺជារបស់គ្រោះថ្នាក់ដ៏ពិសេសចំពោះក្មេងៗ និងស្ត្រីមានផ្ទៃពោះ។ ទោះបីជាយ៉ាងណាក៏ដោយ វេជ្ជបណ្ឌិតខាងលើបាននិយាយដោយខ្លីថា ការនិយាយសន្ទនាតាមទូរស័ព្ទរយៈពេលខ្លី និងកុំកាន់ទូរស័ព្ទច្រើនគឺជាវិធីសាស្ត្រដ៏ងាយស្រួលបំផុតក្នុងការកាត់បន្ថយកាំរស្មីអេឡិចត្រូម៉ាញ៉េទិចនេះ។
ចូរកុំទុកទូរស័ព្ទក្នុងហោប៉ៅទៀតអី តែអ្នកអាចទុកក្នុងសំពាធ ឬកាបូលុយ និង ដាក់ឱ្យឆ្ងាយបំផុតពីសរីរាង្គផ្សេងៗនៃរាងកាយ៕
