ជារឿងធម្មតាទេ ប្រជាជនពីររស់នៅប្រទេសផ្សេងគ្នាប្រាកដជាមានទម្លាប់រស់នៅផ្សេងគ្នាហើយ។ វប្បធម៌ខុសគ្នានេះហើយដែលបណ្តាលឲ្យមានការភាន់ច្រលំពេលដែលធ្វើអន្តោប្រវេសន៏ទៅនៅប្រទេសមួយទៀត ឬ ការធ្វើដំណើរកម្សាន្តទៅប្រទេសថ្មីនោះ។ ខាងក្រោមនេះជា ភាពខុសគ្នាក្នុងការរស់នៅខ្លះ រវាងប្រទេសចិន និង សហរដ្ឋអាមេរិក ដែល Everyday បានលើកយកមកបង្ហាញ ៖
១. ទឹកក្តៅ ឬ ទឹកត្រជាក់?
សម្រាប់វប្បធម៌អាមេរិក នៅពេលដែលគេត្រូវការផឹកទឹក ពួកគេនឹងផឹកទឹកត្រជាក់ ពីព្រោះតែវាជួយឲ្យមានអារម្មណ៏ស្រស់ថ្លា ក៏ប៉ុន្តែនៅប្រទេសចិនវិញ គឹចូលចិត្តផឹកទឹកក្តៅពីព្រោះគេជឿថាអាចជួយឲ្យ មនុស្សមានសុខភាពល្អ។
២. ងូតទឹកពេលព្រឹក ឬ ពេលយប់?
ប្រជាជនអាមេរិកភាគច្រើនងូតទឹកពេលដែលគេក្រោកពីគេង តែនៅប្រទេសចិនវិញមានពាក្យមួយម៉ាត់ថា ងូតទឹកហើយគេង។ ដូចនេះជាទម្លាប់ហើយដែល ប្រជាជនចិនងូតទឹកពេលយប់នោះ ដែលផ្ទុយពីខាងច្រមុះស្រួចអាមេរិក។
៣. ចែកម្ហូបគ្នាញុំា ឬ ក៏អត់?
នៅឯប្រទេសចិន គ្រប់ហាងទាំងអស់សុទ្ធសឹងតែជាតុមូល ដែលមានជាមួយថាសវិលមួយសម្រាប់ ចែករំលែកម្ហូបជាមួយគ្នា នឹង ញុំាជាមួយគ្នាទេវិញទៅមក។ ក៏ប៉ុន្តែនៅសហរដ្ឋអាមេរិកវិញ នរណាហៅអី គឺញុំាអាហ្នឹងហើយ ទោះបីជាចង់ភ្លក់ក៏បានតែមួយម៉ាត់ដែរ មិនមែនចែកគ្នាញុំាដូចនៅចិនឡើយ។
៤. កាហ្វេ ឬ ទឹកសណ្តែក?
នៅចិនវិញ អាហារពេលព្រឹកដែលល្បីជាងគេគឺចាខ្វៃមួយគូ ជាមួយនឹងទឹកសណ្តែកមួយពែង។ អាហារពេលព្រឹកនេះត្រូវបានគេ ស្រស់ស្រូបតាំងតែពីសម័យបុរាណរហូតមកដល់ពេលបច្ចុប្បន្ន។ តែសម្រាប់អាមេរិកវិញ កាហ្វេមួយពែងគឺគ្រប់គ្រាន់ហើយ។
៥. ឲ្យលុយធីប ឬ អត់?
ការឲ្យលុយធីបបន្ថែមជាវប្បធម៌មួយនៅសហរដ្ឋអាមេរិក ដោយ ២០ភាគរយនៃ ថ្លៃចំណាយសរុបត្រូវបានចូលហោបៅអ្នករត់តុ។ ប៉ុន្តែសម្រាប់អ្នកនៅចិនវិញ មួយសេនក៏មុនបានផងពីព្រោះពួកគេ គិតថា អ្នករត់តុ គឺបានប្រាក់ខែពីថៅកែរបស់គេហើយ។