បើតាមក្រុមអ្នកវិទ្យាសាស្ត្រមកពីអង្គការ ណាសា (NASA) មកពីវិទ្យាស្ថាន SETI និងមកពីសាកលវិទ្យាល័យ Cambridge បានបង្ហាញពីការរកឃើញនូវភពដែលមានសណ្ឋានភពប្រហាក់ប្រហែលនឹងភពផែនដីនូវអ្វីដែលខ្លួនជឿជាក់ថា អាចមានទឹកនៅទីនោះ ។
អ្នកវិទ្យាសាស្ត្របានប្រើពេលជាង ២០ ឆ្នាំដើម្បីរស្រាវជ្រាវហើយទីបំផុតពួកគេបានរកឃើញភពថ្មីនេះដែលមានឈ្មោះថា Kepler 452b ។
ក្រុមអ្នកវិទ្យាសាស្ត្រជឿថា ពួកគេអាចនឹងរកឃើញជីវិតរស់នៅក្រៅភពផែនដី ប្រសិនបើពួកគេអាចស្រាវជ្រាវឲ្យបានដិតដល់ទៅកាន់ចក្រវាឡនៅក្រៅប្រព័ន្ធព្រះអាទិត្យ ។ ពួកគេក៏បានជឿជាក់ផងដែរថា ផែនដីនៅក្រៅប្រព័ន្ធព្រះអាទិត្យគឺ ពិតជាមាន ហើយពួកគេបានហៅភពទាំងនោះថា Exoplanets ដែលពួកគេបានរកឃើញជាលើកតំបូងក្នុងឆ្នាំ ១៩៩៥ ។
ក្រុមអ្នកវិទ្យាសាស្ត្រមិនដែលរកឃើញភពណាដែលមានលក្ខណៈដូចទៅនឹងភពផែនដីនោះទេនៅពេលគន្លងមកដែលការរកឃើញនោះច្រើនជាផ្កាយតែប៉ុណ្ណោះ ។ ពេលនេះពួកគេបានស្វែងរកឃើញភព Kepler 452b ដែលអ្នកវិទ្យាសាស្ត្រហៅថា ភពផែនដីទី ២ ឬអង្គការ NASA ហៅថា Earth 2.0 ។
Earth 2.0 មានលក្ខណៈពិសេសដូចជា៖
– Earth 2.0 មានទំហំធំជាងផែនដី ៦០% ។
– Earth 2.0 មានសណ្ឋានដូចដុំថ្ម ដែលសុទ្ធតែផ្ទៃរឹង ប៉ុន្តែវាមានស្រទាប់បរិយាកាសផ្នែកខាងក្រៅដ៏ស្រស់ស្អាត ដូចជា ភពព្រហស្បតិ៍ ។
– Earth 2.0 វាមានចម្ងាយប្រមាណ ១ ៤០០ ឆ្នាំពន្លឺពីផែនដី (រយៈពេល ១ វិនាទីពន្លឺអាចរត់បាន ៣ សែនគីឡូម៉ែត្រ)
– Earth 2.0 វាវិលជុំវិញគន្លងផ្កាយខ្លួនឯងរៀងរាល់ ៣៨៥ ថ្ងៃដែលមានលក្ខណៈស្រដៀងនឹងភពផែនដី
– Earth 2.0 និងគន្លងតារាវិថីរបស់វាមានអាយុ៦ ពាន់លានឆ្នាំ ចាស់ជាងព្រះអាទិត្យដល់ទៅ ១,៥ ពាន់លានឆ្នាំ៕