វិធីលាក់ រូបភាព, Status, Post ក្នុង Facebook ពីនរណាម្នាក់មិនអោយយើញ ដោយមិនចាំបាច់ Unfriend រឺ Block
Facebook ប្រៀបបានដូចជា កំណត់ហេតុមួយអញ្ជឹង ដែលគ្រប់រឿងរ៉ាវ ទាំងអស់របស់ របស់អ្នកប្រើប្រាស់ តែងតែបាន កត់ត្រាទុក មិនថារឿងសប្បាយចិត្ត មិនសប្បាយចិត្ត ជោគជ័យ បរាជ័យ និងរឿងប្លែកៗអ្វី នោះទេ។ យ៉ាងណាមិញ រឿងរ៉ាវទាំងនេះ មិនគួរណា នឹងធ្វើការចែកចាយជាមួយនឹងមនុស្សមួយចំនួន នោះទេ ដូចជាសាច់ញាត្តិជិតស្និទ រឺក៏សង្សារចាស់ របស់អ្នកជាដើម ក៏ប៉ុន្តែតើ មានវិធីអ្វីទៅ ដើម្បីលាក់ កំបាំងរឿងរ៉ាវ ទាំងនេះ?
ជំនួសអោយការ ឈប់ធ្វើមិត្ត (Unfriend) និង Block ដែលវា មិនសូវមាន សុជីវធម៌ប៉ុន្មាននោះ យើងក៏អាច ធ្វើការ លាក់រាល់ Status, រូបភាព, សកម្មភាពនានារបស់យើង នៅលើ Facebook មិនអោយពួកគេ ឃើញបានផងដែរ។ ប្រសិនបើអ្នក ចង់ដឹងថា តើត្រូវធ្វើ ដូចម្តេចនោះ សូមតានដាន ជាមួយយើង ទាំងអស់គ្នា។
បញ្ជាក់:
- វិធីនេះ អាចជួយលាក់ រូបភាព, Status, អ្វីដែលអ្នកចែកចាយ មិនអោយមនុស្ស ដែលអ្នក មិនចង់អោយឃើញ
- រាល់អ្វីដែល ចែកចាយនៅលើ Facebook នៅថ្ងៃអនាគត វានឹងបិទ មិនអោយ មនុស្សទាំងនោះ ឃើញដោយស្វ័យប្រវត្តិ តែម្តង
វិធីធ្វើ
- ចូលទៅកាន់វេបសាយ facebook.com(ប្រើប្រាស់តាមកុំព្យូទ័រទើបល្អ)
- នៅផ្នែកខាងឆ្វេងនៃ Newsfeed សូមចុចលើពាក្យ Friends > Create List
- សូមវាយឈ្មោះ មនុស្សទាំងអស់ ដែលអ្នកចង់ លាក់ មិនអោយឃើញ ត្រង់ក្រឡោន Member រួចចុចលើពាក្យ Create។
- បំពេញ List Name ដាក់ថា Do not share with រឺក្រៅពីនឹងក៏បាន ដើម្បីសំគាល់
- ឥលូវ សូមចូលទៅកាន់ Setting > Privacy > Who can see my stuff? > ចុចពាក្យ Edit > យក Custom > ចុចក្រឡោន Share this with > ហើយយក Friends រឺ Friend of Friends។ ត្រង់ក្រឡោន Don’t share this with សូមវាយឈ្មោះ List ដែលយើងបានបង្កើត ខាងលើ ហើយចុច Save Changes។
- នៅកន្លែង Setting > Privacy ដដែលនេះ សូមចុចលើពាក្យ Limit Past Post ដែលវានឹង លុបរឿងរ៉ាវ ចាស់ៗរបស់អ្នក ទាំងអស់ មិនអោយមនុស្ស មិនស្គាល់បានឃើញឡើយ ពោលមានតែ មិត្តភក្កិ ក្នុង Facebook យើងប៉ុណ្ណោះ អាចឃើញ។
- ឥលូវនេះចូលទោកាន់ Setting > TimeLine and Tagging > Review Post friends tag …. ហើយចុចបើក Enable។ ត្រង់ចំណុចនេះ វាអាចជួយ ការពារក្រែងលោ មិត្តភក្កិអ្នក បង្ហោះរូប មិនសមរម្យ ហើយ Tag ឈ្មោះអ្នកចូល។ អ្នកមានសិទ្ធ អាចអនុញ្ញាត្តិអោយគេ Tag រឺមិន Tag បាននៅពេលយើងបើក Enable។
- ត្រង់កន្លែង Setting > Timeline and Tagging ដដែលនេះ សូមចុចលើពាក្យ Who can see things on my timeline > ហើយត្រង់ពីរ បន្ទាត់ខាងក្រោមនេះ សូមប្តូរវាទៅជា Custom > ត្រង់ក្រឡោន Don’t share with សូមបញ្ចូលឈ្មោះ បញ្ជីមនុស្ស ដែលយើងមិនចង់ ចែកចាយ ជាការស្រេច។
បន្ទាប់ពីកែសម្រួល ចំណុចទាំងនេះហើយ រាល់អ្វីដែលអ្នក បានចែកចាយ រឺរូបភាព ដែលមិត្តភក្កិអ្នក បាន Tag អោយនោះ វានឹងមិនបង្ហាញ នៅលើ Newsfeed របស់មនុស្ស ដែលអ្នកមិនចង់ អោយឃើញនោះទេ។ វាគឺជាវិធីការពារដ៏មាន សុវត្ថិភាពខ្ពស់មួយ ជំនួសអោយការ Unfriend រឺក៏ Block។ ប្រសិនបើអ្នក ចង់ដឹងថា មនុស្សណាមួយ អាចមើលឃើញ Profile អ្នក មានអ្វីនោះ អ្នកអាចធ្វើបាន ដោយចូលទៅកាន់ Profile របស់អ្នក > ចុចសញ្ញា ចុចបីគ្រាប់ ដែលនៅជាប់រូប Cover > View As > ចុច View Specific People ដែលនៅបន្ទាត់ ពណ៌ខ្មៅខាងលើ ហើយវាយឈ្មោះ មនុស្សនោះ ជាការស្រេច។
អ្នកក៏ត្រូវចង់ចាំដែរថា នៅពេលដែលអ្នក ធ្វើការបង្ហោះរូបភាព រឺចែកចាយ អ្វីមួយនៅលើ Facebook ត្រូវកែសម្រួល កន្លែង Privacy ហើយជ្រើសរើសយក Custom ជានិច្ច មិនត្រូវដាក់ Public រឺ ក៏ Friends ឡើយ ប្រសិនបើអ្នក ចង់ការពារ មិនអោយមនុស្ស មួយចំនួនបានឃើញ។