ក្រុមអ្នកស្រាវជ្រាវរកឃើញថា ដំណេកគ្រប់គ្រាន់របស់បុគ្គលណាម្នាក់អាចភ្លាត់ចេញពីគន្លងល្អដោយ គ្រាន់តែមានការរំខានតែមួយរាត្រីប៉ុណ្ណោះ។
ជាក់ស្ដែងការចូលគេងពេលយប់ជ្រៅពេកដោយក្រោកពីព្រលឹម ឬភ្ញាក់កណ្ដាលអធ្រាត្រសមល្មមធ្វើឲ្យអ្នកឆាប់ចាស់ជ្រីវជ្រួញ។ វាថែមទាំងអាចបង្កើនហានិភ័យនៃការវិវត្ដជំងឺទៀតផង។
កង្វះដំណេករួមមាន មួយរាត្រីមិនស៊ាំនឹងទីកន្លែងដំណេកមួយរាត្រីដំណេកគ្មានការរំខាន មួយរាត្រីដំណេកមិនស្កប់ដែលពិបាកធ្មេចភ្នែកនៅចន្លោះម៉ោង ៣ ទៀបភ្លឺទៅម៉ោង ៧ ព្រឹក និងមួយរាត្រីដំណេកសងគ្មានការរំខាន។
ជាទូទៅបញ្ហាទាំងអស់ខាងលើបានបញ្ឈប់ ឬក៏រំខានដល់ដំណើរវិលវល់នៃកោសិកាដែលធ្វើឲ្យមនុស្សឆាប់ចាស់មុនអាយុកាល។
វេជ្ជបណ្ឌិត ខារ៉ូល បាននិយាយចំពោះការរកឃើញរបស់ខ្លួនថា៖ «ទិន្នន័យរបស់យើងបានគាំទ្រដល់សម្មតិកម្មថា ដំណេកមួយរាត្រីមិនស្កប់ស្កល់ចំពោះមនុស្សវ័យជ្រេអាចបង្កបញ្ហា ដល់ការវិវត្ដវ័យកាន់តែឆាប់រហ័ស»។
គួរឲ្យកត់សម្គាល់ថា ការស្រាវជ្រាវនេះត្រូវបានចុះផ្សាយនៅតាមអនឡាញនៃទស្សនាវដ្ដី ដំណេក និងត្រូវបានធ្វើបទបង្ហាញនៅ Sleep 2015 ជាជំនួបប្រចាំឆ្នាំនៃសមាគមសង្គមដំណេកជំនាញ (APSS)៕ HR postkhmer.com