៥) ប្រទេស អាល្លឺម៉ង់ អាល្លឺម៉ង់ ជាប្រទេសដែលមានវិស័យបច្ចេកវិទ្យាខ្ពស់អស់ច្រើនទសវត្សកន្លងមកហើយ ខាងផ្នែកវិស្វកម្ម ។ ក្រុមអ្នកវិទ្យាសាស្ត្ររបស់អាល្លឺម៉ង់ បានរួមចំណែកខាងផ្នែកអវកាស និង ខាងផ្នែក Nanotechnology ឬ បច្ចេកវិទ្យាវិទ្យាសាស្ត្រផលិតថាមពលនុយក្លេអ៊ែរ។ ផ្នែកការស្រាវជ្រាវ និង ការអភិវឌ្ឍ ជាចំណែកមួយសំខាន់ដល់វិស័យសេដ្ឋកិច្ចអាល្លឺម៉ង់ ។ ប្រទេស អាល្លឺម៉ង់ ជាកន្លែងប្រមូលផ្តុំដោយអង្គការជំនាញខាងការស្រាវជ្រាវល្បីៗដូចជា សមាគមន៍ Gottfried Wilhelm Leibniz Scientific , Fraunhofer Society និង Max Planck Society ។ អាល្លឺម៉ង់ ក៏ជាប្រទេសដែលមានក្រុមហ៊ុនផលិតរថយន្តម៉ាកល្បីៗដូចជា Mercedes-Benz, Audi, BMW, Volkswagen និង Porsche ជាដើម ។
៤) ប្រទេស អ៊ីស្រាអែល
ផលិតផលនាំចេញចំនួន ៣៥% របស់ប្រទេស អ៊ីស្រាអែល គឺ ទាក់ទងលើវិស័យបច្ចេកវិទ្យា ហើយប្រទេសនេះគឺស្ថិតនៅក្នុងចំណោមបណ្តាប្រទេសកំពូលចំនួន ៥ ខាងផ្នែកបច្ចេកវិទ្យាអវកាស ។ ប្រទេសអ៊ីស្រាអែល បានបង្កើតយានគ្មានមនុស្សបើកដំបូងនៅលើទីអវកាស ក្រោមការត្រួតពិនិត្យដ៏ត្រឹមត្រូវ ។ ហើយភាពអស្ចារ្យរបស់ប្រទេសដ៏តូចមួយនេះ គឺមានរោងចក្រផលិតរថយន្តអគ្គិសនី លំដាប់កំពូលមួយ ក្នុងចំណោម ៥ ប្រទេសនៅលើពិភពលោក ។
៣) ប្រទេស កូរ៉េ ខាងត្បូង
កូរ៉េខាងត្បូងគឺជា ប្រទេសកំណើតរបស់ក្រុមហ៊ុនបច្ចេកវិទ្យាល្បីៗជាច្រើនដូចជា LG, Hyundai និង ក្រុមហ៊ុន Samsung ដោយក្រុមហ៊ុនបច្ចេកវិទ្យាទាំងនេះ កំពុងប្រកួតប្រជែងគ្នាជាមួយក្រុមហ៊ុនបច្ចេកវិទ្យាល្បីៗដូចជា Apple និង Toyota ។ កូរ៉េខាងត្បូង ក៏មានវិស័យខាងផ្នែកផលិតមនុស្សយន្ត Robots គួរឲ្យកត់សម្គាល់ដែរ ប៉ុន្តែអ្វីដែលកូរ៉េខ្លាំងនោះគឺ ល្បឿនផ្នែកសេវាកម្ម Internet លឿនជាងអាមេរិក ចំនួន ៣ ដង ។
២) សហរដ្ឋអាមេរិក
ផ្នែកបច្ចេកវិទ្យា ខាងអវកាស បានដើរតួយ៉ាងសំខាន់ដោយបានធ្វើឲ្យសហរដ្ឋអាមេរិក បានក្លាយជាកំពូលមហាអំណាចពិភពលោក ។ បន្ទាប់ពីគ្រាប់បែកបរមាណូ អាមេរិកទទួលបានជោគជ័យមួយទៀតដោយបានបញ្ជូនមនុស្សទៅកាន់ឋាន ព្រះចន្ទមុនគេ ។ ការស្រាវជ្រាវផ្នែកអវកាស ផ្នែកឱសថ បច្ចេកវិទ្យាអាវុធការពារជាតិ និង បណ្ដាញទូរគមនាគមន៍ គឺជាវិស័យចម្បងរបស់អាមេរិក អស់ជាច្រើនទសវត្សមកហើយ ។ អាមេរិក គឺ ជាប្រទេសដែលមានដែលមានបច្ចេកវិទ្យាខ្ពស់បំផុតខាងវិស័យយោធា នៅលើពិភពលោក ហើយក៏ជាប្រទេសដែលមានក្រុមហ៊ុនបច្ចេកវិទ្យាធំៗជាច្រើនដូចជា Google, Facebook, Apple, Intel, IBM, និង ក្រុមហ៊ុន Microsoft ជាដើម ។
…ស្រាបៀរល្បីៗចំនួន ១០ នេះ ត្រូវបានគេវាយតម្លៃថាលក់ដាច់បំផុតនៅលើពិភពលោកក្នុងឆ្នាំ ២០១៥នេះ…
១) ប្រទេស ជប៉ុន
ប្រទេស ជប៉ុន ត្រូវបានគេស្គាល់យ៉ាងច្បាស់ថាជាប្រទេសដែលមានការសិក្សាស្រាវ ជ្រាវផ្នែកបច្ចេកវិទ្យាខ្លាំងជាងគេបំផុត ។ ក្រុមអ្នកវិទ្យាសាស្ត្រប្រទេសជប៉ុន បានចូលរួមចំណែកយ៉ាងធំសម្បើមខាងផ្នែកផលិតរថយន្តដឹកជញ្ជូន គ្រឿងអេឡិចត្រូនិក គ្រឿងចក្រ ឧបករណ៍រង្វាស់ការរញ្ជួយដី ខ្សែកាបអុបទិក ឧស្សាហកម្ម Robots និងផ្នែកលោហធាតុ ។ ប្រទេសជប៉ុនត្រូវបានគេមើលឃើញជាប្រទេសដែលនាំចូលប្រេងឥន្ធនៈតិច បំផុតតាំងពីឆ្នាំ ១៩៧៣ មក ។ នៅក្នុងឆ្នាំ ២០០៨ ប្រទេសជប៉ុនបានដាក់ឲ្យដំណើរការ នូវរោងចក្រប្រតិករនុយក្លេអ៊ែរ ចំនួន ៧ ដោយបានផ្គត់ផ្គង់ថាមពលអគ្គិសនី ចំនួន ៣៤% ទូទាំងប្រទេសជប៉ុន ហើយក្រុមអ្នកស្រាវជ្រាវប្រទេសជប៉ុនគឺជាមនុស្សដែលធ្លាប់ឈ្នះពាន រង្វាន់ Nobel Prizes ច្រើនផងដែរ៕
ប្រែសម្រួល៖ ខេវិន
ពី thebnews.com