មនុស្សគ្រប់រូប គឺសុទ្ធសឹងតែមានចំណុចខ្លាំង និង ចំណុចខ្សោយរៀងៗខ្លួន។ ពេលដែលយើងចាប់កំណើតមកភ្លាម យើងត្រូវណែនាំដោយ សង្គម គ្រួសារ មិត្តភក្រ័ និង សូម្បីតែមនុស្សដែលមិនស្គាល់គ្នា អំពី នរណាដែលយើងត្រូវធ្វើ អ្វីដែលយើងត្រូវធ្វើ និង អ្វីដែលជាភាពជោគជ័យ។ ការទទួលយកយោបល់ពីអ្នកដទៃជារឿងមួយដ៏ប្រសើរ ក៏ប៉ុន្តែ វាមិនមានមានន័យថា ពួកគេមានសិទ្ធកំណត់ផ្លូវ ដែលយើងនឹងត្រូវដើរដែរ ហើយយើងពុំគួរគប្បី យកមនុស្សណាម្នាក់ មកប្រៀបធៀបនឹងខ្លួនឯង ដើម្បីកំណត់ភាពជោគជ័យនោះទេ។ ហេតុអ្វី? Everyday នឹងបង្ហាញពីហេតុផលទាំង៤ ដែលអ្នកពុំគួរ យកខ្លួនឯងទៅប្រៀបជាមួយអ្នកដទែ។
1. អ្នកនឹងបាត់បង់ភាពជឿជាក់លើខ្លួនឯង
បើសិនជាអ្នកឃើញនរណាម្នាក់ ឬសូម្បីតែមនុស្សដែលអ្នកមិនដែលស្គាល់ ធ្វើអ្វីមួយដែលល្អជាងអ្នក ពេលនោះអ្នកនឹង មានអារម្មណ៏ថា អ្នកបានធ្វើរឿងនាំឲ្យបានគ្រប់គ្រាន់ និងគិតថា មិនថាអ្នកធ្វើអ្វីទេ គឺសុទ្ធតែចាញ់គេទាំងអស់។ ពេលនោះហើយជាពេលដែលអ្នកបាត់បង់ទំនុងចិត្ត នឹង ស្អប់ខ្លួនឯងនោះ។
2. អ្នកនឹងក្លាយជាមនុស្សដែលគេស្អប់
ផ្ទុយពីចំណុចខាងលើ នៅពេលដែលអ្នកធ្វើអ្វីមួយបានល្អ ហើយអ្នកប្រៀបខ្លួនអ្នកជាមួយអ្នកដ៏ទៃ ពេលនោះអ្នកនឹងមានអារម្មណ៏ថា ខ្លួនឯងជាមនុស្ស ឥតខ្ចោះ ជាមនុស្សដែលខ្លាំងជាងនរណាៗទាំងអស់។ ពេលនោះអ្នកនឹងក្លាយជាមនុស្ស ពូកែអួត ហើយនឹងត្រូវ មនុស្សគ្រប់គ្នាស្អប់។
3. ការប្រៀបធៀបនេះជារឿងមិនសមទំនងទាល់តែសោះ
ធម្មតា មនុស្សគ្រប់ៗរូបតែងតែមាន គោលដៅផ្សេងគ្នា គំនិតផ្សេងគ្នា និងមានប្រវត្តិផ្សេងៗគ្នា។ ដូចនេះការប្រៀបធៀប ខ្លួនឯងទៅអ្នកដទៃ មិនមានភាពយុត្តិធម៌ទាល់តែសោះ ហើយវាមិនសមទំនង បន្តិចណាឡើយ។ យោបល់ដែលល្អនោះ អ្នកគួរតែរៀនសូត្រ ពីវិធីរបស់អ្នកដទៃ ហើយបន្ទាប់មក អនុវត្តវា រួចប្រៀបធៀបខ្លួនអ្នក ទៅនឹងខ្លួនអ្នកកាលពីមុនវិញ។ ដូចនេះអ្នកនឹងអភិវឌ្ឍន៏ខ្លួនឯង។
4. អ្នកត្រូវតែកំណត់ភាពជោគជ័យដោយខ្លួនឯង
គ្មានសៀវភៅណា ធ្លាប់កត់ត្រាថាតើ ភាពជោគជ័យជាអ្វីនោះទេ ហើយក៏មានអ្នកប្រាជ្ង ណារកឃើញ ដែរថា ត្រូវមានអ្វីខ្លះទើបហៅថា ជោគជ័យនោះដែរ។ ពោលគែភាពជោគជ័យរបស់អ្នក ត្រូវឲ្យខ្លួនអ្នក ជាអ្នកកំណត់។ ប្រសិនបើអ្នកចូលចិត្តរស់នៅដោយសាមញ្ញ នោះភាពសមញ្ញជាភាពជោគជ័យរបស់អ្នក ប្រសិនបើអ្នកពេលចិត្ត ទ្រព្យសម្បត្តិ នោះទ្រព្យសម្បត្តិ នោះហើយភាពជោគជ័យ។ ដូចនេះ ហើយបើសិនជាអ្នកចូលចិត្តរស់នៅសាមញ្ញ ស្រាប់តែឃើញគេមានទ្រព្យសម្បត្តិ ហើយអ្នកយកខ្លួនឯងទៅប្រៀបនឹងគេនោះ ទី១ គឺអ្នកនឹងពិបាកចិត្តតែម្នាក់ឯង ទី២ វាជារឿងខុសឆ្គង ដោយសារតែនេះមិនមែន ជាគោលដៅរបស់អ្នក។ ពេលនោះអ្នកនឹងអាចកើតក្តីច្រណែនក៏ថាបាន។ ដូចនេះ អ្នកត្រូវតែកំណត់អ្វី ដែលជា ភាពជោគជ័យរបស់អ្នក ហើយតាំងចិត្តធ្វើវាឲ្យបាន៕