ស្រ្តីភាគច្រើន តែងជួបបញ្ហាមួយចំនួនទាក់ទងនឹងការថែរក្សាទ្វារមាសឲ្យមានសុខភាពល្អ។ ថ្ងៃនេះ Sabay សូមបង្ហាញ ១៤វិធីងាយៗ ដើម្បីថែរក្សាទ្វារមាសឲ្យមានសុខភាពល្អ៖
១. លាងសម្អាត
ពេលលាងសម្អាតសូមប្រាកដថាអ្នកលាងពីមុខទៅក្រោយ កុំលាងពីក្រោមមកមុខ។ នេះជាវិធីមូលដ្ឋានក្នុងការរក្សាទ្វារមាសឲ្យនៅតែស្អាត និងមានសុខភាពល្អ។
២. ផ្លាស់ប្ដូរសំឡីអនាម័យ
ពេលមករដូវ អ្នកត្រូវផ្លាស់ប្ដូរសំឡីអនាម័យយ៉ាងហោចណាស់រៀងរាល់៤ម៉ោងម្ដង។ វិធីនេះជួយឲ្យទ្វារមាសមានសុខភាពល្អ និងស្អាត។
៣. លាងសម្អាត បន្ទាប់ពីរួមភេទ
បន្ទាប់ពីធ្វើរឿងលើគ្រែរួច ចាំបាច់ត្រូវតែលាងសម្អាតតំបន់ពិសេសរបស់អ្នក វាអាចជួយការពារការឆ្លងមេរោគ។
៤. ប្រើក្រដាសអនាម័យ
ដើម្បីរក្សាទ្វារមាសឲ្យមានសុខភាពល្អ និងមានអនាម័យគ្រប់ពេលវេលានោះ វិធីល្អបំផុត គឺប្រើក្រដាសអនាម័យបន្ទាប់ពីបន្ទោបង់រួច។
៥. ជម្រុះរោម
ការជម្រុះរោមត្រង់បរិវេណនោះ នឹងរក្សាទ្វារមាសឲ្យមានសុខភាពល្អ និងស្អាត។ វាក៏កាត់បន្ថយការប្រមូលផ្ដុំញើសដែលអាចធ្វើឲ្យមានក្លិនមិនល្អ។
៦. លាងសម្អាតដោយប្រើទឹកក្ដៅឧណ្ហ៍ៗ
ជារៀងរាល់ថ្ងៃនៅពេលអ្នកលាងសម្អាតទ្វារមាស ត្រូវប្រើទឹកក្ដៅឧណ្ហ៍ៗ។ ការប្រើទឹកក្ដៅអាចសម្លាប់បាក់តេរីនៅបរិវេណនោះបាន។
៧. ផ្លាស់ប្ដូរខោទ្រនាប់ញឹកញាប់
ពេលដែលអ្នកឧស្សាហ៍ប្ដូរខោក្នុងបានពីរដងក្នុងមួយថ្ងៃ ធ្វើឲ្យទ្វារមាសមានសុខភាពល្អ និងគ្មានក្លិនអាក្រក់។
៨. ក្រណាត់ខោធ្វើពីកប្បាស
ទោះបីជាអ្នកផ្លាស់ប្ដូរខោក្នុងបានទៀងទាត់ក៏ដោយ អ្នកមិនគួរជ្រើសរើសយកខោក្រណាត់ព្រែទេ គួរជ្រើសខោធ្វើពីកប្បាសដើម្បីរក្សាឱ្យអ្នកនៅតែស្រស់ស្អាត។
៩. បត់ជើងតូច បន្ទាប់ពីរួមភេទ
ពេលរួមភេទរួចបាក់តេរីនឹងធ្វើដំណើរទៅប្លោកនោមរបស់អ្នក។ ការនោមក្រោយពីរួមភេទ អាចជួយបញ្ចេញបាក់តេរីចេញពីតំបន់នោះ។
១០. ប្រើស្រោមអនាម័យជាប្រចាំ
ប្រើស្រោមអនាម័យពេលរួមភេទ ជាវិធីដ៏ល្អបំផុតដើម្បីរក្សាទ្វារមាសឲ្យនៅតែស្អាត និងមានសុខភាពល្អ។
១១. ធ្វើលំហាត់ប្រាណ
ការហាត់ប្រាណបែប Kegel (ដូចក្នុងរូប) អាចជួយរក្សាទ្វារមាសឲ្យមានសុខភាពល្អ។ វាក៏ជាផ្នែកមួយដែលធ្វើឲ្យជីវិតផ្លូវភេទរបស់អ្នកប្រសើរឡើងផងដែរ។
១២. ជៀសវាងប្រើគ្រឿងក្រអូប
ពេលលាងសំអាតទ្វារមាស គួរជៀសវាងសាប៊ូដែលមានក្លិនក្រអូប។ ព្រោះសាប៊ូក្រអូបនឹងបណ្ដាលឲ្យរលាក។
១៣. កុំប្រើសាប៊ូដុសខ្លួន
ការលាងសម្អាតតំបន់សំខាន់ជៀសវាងការប្រើសាប៊ូដុសខ្លួន។