តើប្រុសៗត្រូវធ្វើអ្វីខ្លះ
ដើម្បីទាក់ទាញចិត្តមនុស្សស្រីបាន? មានវិធីច្រើនណាស់ ប៉ុន្តែមិនមានប្រសិទ្ធិភាពទាំងអស់នោះទេ។ បុរសៗមួយចំនួនមានជំនាញក្នុងរឿងបែបនេះ។
ពួកគេដឹងថា ការទាក់ទាញចិត្តមនុស្សស្រីមិនមែនជាការងារមួយងាយស្រួលឡើយ ប៉ុន្តែកាយវិការដែលត្រឹមត្រូវ និងពាក្យសម្តីដែលត្រឹមត្រូវអាចទទួលបានលទ្ធផលល្អ។បញ្ហាមួយដែលសំខាន់ជាងអ្វីៗទាំងអស់គឺ គោលបំណងពីក្រោយខ្នង។ បេះដូងពិត និងភាពស្មោះត្រង់ដែលបង្ហាញតាមពាក្យសម្តីពិតប្រាកដ លទ្ធផលនឹងទទួលបានក្តីសុខ។ តែប្រសិនបើជាការលាក់បាំងភាពបោកប្រាស់ និងភាពស្មោះត្រង់ មិនយូរមិនឆាប់ទេការពិតនឹងលាតត្រដាងចេញមក។
ខាងក្រោមនេះជាតិចនិចមួយចំនួនសម្រាប់បុរសដើម្បីទាក់ទាញ ចំណាប់អារម្មណ៏ពីមនុស្សស្រី។ ប្រហែលជាមនុស្សម្នាក់មិនអាចមានសមត្ថភាពធ្វើរឿងទាំងអស់បានឡើយ ប៉ុន្តែបើអាចធ្វើបានរឿងមួយចំនួនដោយសុភាវធម៌ក៏អាចឆក់បេះដូង មនុស្សស្រីបានដែរ។
១. ស្នាមញញឹម
ស្នាមញញឹមស្មោះត្រង់ និងធម្មតាពិតជាមិនគួរឲ្យចាប់អារម្មណ៏ឡើយ។ ប្រសិនបើប្រើកែវភ្នែកគួបផ្សំនឹងស្នាមញញឹម គ្មានមនុស្សស្រីណាដែលមិននឹកឃើញដល់អ្នកឡើយ។ វានឹងជួយឲ្យមនុស្ស ២នាក់មានភាពស្និទ្ធិស្នាលនឹងគ្នាភ្លាមៗ មានការសន្ទនា និងក្លាយជាមិត្តភាពនឹងគ្នា។ នេះជាតិចនិចមួយដែលបុរសអាចធ្វើបានដើម្បីទាក់ទាញមនុស្សស្រី។
២. ស្តាប់
តើអ្នកណាខ្លះដែលនិយាយចេញមក ហើយមិនចង់ឲ្យគេស្តាប់។ គ្មានអ្វីប្រសើរជាងមនុស្សម្នាក់កំពុងតែយកចិត្តទុកដាក់ស្តាប់ ពេលអ្នកកំពុងតែនិយាយឡើយ។ មនុស្សស្រីប្រាកដជាពេញចិត្តនឹងបុរសដែលយកចិត្តទុកដាក់ស្តាប់ រាល់ពាក្យសម្តីដែលនាងនិយាយ និងឲ្យតម្លៃ។
៣. ភាពកំប្លុកកំប្លែង
មនុស្សស្រីគ្រប់រូបតែងតែចូលចិត្តភាពកំប្លុកកំប្លែង។ ភាពកំប្លុកកំប្លែងអាចជារឿងមួយ ឬភស្តុតាងមួយតូចតាចតែសំខាន់ ប៉ុន្តែប្រសិនបើវាធ្វើឲ្យមនុស្សស្រីសើច ញញឹម នោះវាអាចជារឿងមួយប្រសើរបំផុតដើម្បីទាក់ទាញចិត្តមនុស្សស្រី។
៤. ចេះលេងសើច
ភាពកំប្លុកកំប្លែងមិនមែនជាអ្វីមួយដែលមនុស្សគ្រប់រូបពូកែធ្វើនោះទេ ប៉ុន្តែមនុស្សម្នាក់ដែលអាចនាំយកនូវស្នាមញញឹម និងភាពសើចសប្បាយរីករាយបានដោយការលេងសើច។ វាជារឿងមួយដែលបុរសអាចធ្វើបានដោយការសើចសប្បាយរីករាយ។ បុរសម្នាក់ដែលអាចសើច អាចឆក់យកបេះដូងរបស់មនុស្សស្រីបាន។
៥. ចេះមេត្តាករុណា
មនុស្សស្រីភាគច្រើនជួបបុរសដែលគ្មានមេត្តា ប៉ុន្តែនៅពេលនាងបានជួបនឹងបុរសដែលមានចិត្តមេត្តាករុណា ធ្វើឲ្យនាងអារម្មណ៏ពេញចិត្ត។ ប៉ុន្តែត្រូវចាំថា រឿងល្អៗកើតឡើងតែចំពោះចិត្តមេត្តាករុណាដែលចេញពីបេះដូងតែប៉ុណ្ណោះ។ ប្រសិនបើវាគ្រាន់តែធ្វើឡើង ដើម្បីទាក់ទាញតែចិត្តមនុស្សស្រីតែម្យ៉ាងនោះ វានឹងមិនបានយូរឡើយ។
៦. បង្ហាញនូវការចេះយល់ចិត្ត
ប្រសិនបើបុរសអាចមើលដឹងពីភាពតានតឹងក្នុងចិត្តរបស់មនុស្សស្រី គាត់អាចជួយដល់នាងបាន។ គាត់ក៏អាចធ្វើឲ្យមនុស្សស្រីម្នាក់ដឹងថា គាត់យល់ពីចិត្តរបស់នាង យល់ពីគំនិត និងអារម្មណ៏របស់នាង។ នៅពេលមនុស្សស្រីបានជួបនឹងបុរសដែលចេះយល់ពីចិត្តរបស់នាង តើមានមូលហេតុអ្វីទៀតធ្វើឲ្យនាងមិនចាប់អារម្មណ៏នឹងបុរសម្នាក់នោះ?
៧. ការសរសើរ
តើអ្នកណាខ្លះមិនចូលចិត្តការសរសើរ? ហើយតើមនុស្សស្រីណាមិនចូលចិត្តបុរសនិយាយល្អពីនាងនោះ? វាអាចជារូបរាងរបស់នាង, ការងាររបស់នាង, ជម្រើសរបស់នាង, ឥរិយាបថរបស់នាង វាអាចជាអ្វីៗជាច្រើនផ្សេងទៀត។ ហើយពាក្យសម្តីល្អៗតែងតែនាំមកនូវស្នាមញញឹម។
៨. ចងចាំឈ្មោះ
បុរសជាច្រើនតែងតែមិនសូវចងចាំឈ្មោះឡើយ។ ដូច្នេះប្រសិនបើបុរសចង់ទាក់ទាញចិត្តមនុស្សស្រីបាន គាត់គួរតែចេះចងចាំឈ្មោះឲ្យបានល្អ។ ការចងចាំឈ្មោះរបស់មិត្តភក្តិ, សាច់ញាតិ និងមិត្តរួមការងារបង្ហាញថា បុរសម្នាក់នេះមានការព្រួយបារម្ភពីមនុស្សស្រី និងជីវិតរបស់នាង។ វានឹងធ្វើឲ្យបេះដូងរបស់មនុស្សស្រីមានក្តីសុខ។
៩. ចងចាំកាលបរិច្ឆេទ
នេះជារឿងមួយដែលបុរសមិនចាំទាល់តែសោះ។ ប៉ុន្តែប្រសិនបើបុរសម្នាក់ចេះចងចាំពីថ្ងៃខួបកំណើត និងបុណ្យខួប គាត់ប្រាកដជាធ្វើឲ្យមនុស្សស្រីមានការភ្ញាក់ផ្អើល, មានក្តីសុខ។
១០. ទទួលស្គាល់រឿងឆ្កួតៗ
ការបោះបង់ភាពចចេសរឹងរូស, ទទួលស្គាល់កំហុស និងការសុំទោសជាការងារមួយមិនងាយស្រួលឡើយ។
ប្រសិនបើបុរសស្ថិតក្នុងស្ថានភាពដូចខាងលើ ហើយត្រូវការចំណាប់អារម្មណ៏ពីមនុស្សស្រី សំខាន់គាត់ត្រូវទទួលស្គាល់រឿងឆ្កួតៗរបស់គាត់ទាំងអស់នោះ។ គ្មានមនុស្សស្រីណាអាចអត់ទ្រាំនឹងរឿងបែបនេះបានឡើយ។
វាអាចជាស្នេហាថ្មីថ្មោង
ឬជាស្នេហាយូរអង្វែងមកហើយ បុរសម្នាក់តែងតែចង់ឲ្យគូស្នេហ៏របស់គាត់ចាប់អារម្មណ៏នឹងគាត់។ តិចនិចជាច្រើនដែលបុរសៗធ្វើ ដើម្បីទាក់ទាញចិត្តមនុស្សស្រីអាចត្រូវបានចាត់ជាផ្នែកៗ ប៉ុន្តែប្រតិបត្តិការអាចមានភាពខុសប្លែកគ្នា។ តិចនិចគ្រប់យ៉ាងអាស្រ័យលើអារម្មណ៏ស្មោះត្រង់ភ្ជាប់នឹងកាយវិការ៕
ប្រភព : មង្គលការ