ចង្វាក់បេះដូងលោត ៧២ដង ទៅ ១២០, ១៨០ រហូតដល់ ២០០ ក្នុងពេលត្រឹមប៉ុន្មាននាទី។ ចង្វាក់បេះដូងលោតញាប់ពេក បណ្ដាលអោយយើង ពិបាកដកដង្ហើម ហើយ បង្កជាអាការៈចង់ក្អួត និង បែកញើសខ្លាំង។
វាគឺជា ដំណើរ បេះដូងលោត លឿនខុស ប្រក្រតី (លើសពី ១០០ដងក្នុងមួយនាទី)។ វាកើតឡើងពេលថតបេះដូងខាងលើដែលទទួលឈាមពីសរសៃឈាម និងបូមឈាមចូលទៅក្នុងថតបេះដូងខាងក្រោម បាត់បង់ភាពម្ចាស់ការ។ថតបេះដូងខាងលើរក្សាចង្វាក់បូមឈាមដដែលប៉ុន្តែចង្វាក់នោះអាចលឿនជាងធម្មតាដល់ទៅ ៣ដង។
ដើម្បីសម្រួលដំណើរចង្វាក់បេះដូង អ្នកត្រូវរៀបចំរបបអាហារ ក្នុងការទទួលទានឲ្យបានត្រឹមត្រូវ ដែលវា អាចជួយលៃតម្រូវដល់ចង្វាក់បេះដូង របស់អ្នកឲ្យបានល្អ៖
១. ពិសាយ៉ាអួ
ទឹកដោះគោយ៉ាអួមានផ្ទុកវីតាមីន B១២ ជួយជំរុញ និង ធ្វើឲ្យប្រព័ន្ធប្រសាទរឹងមាំ និង អាចជួយកាត់បន្ថយស្ត្រេស។
២. ជីរអង្កាម
តាមការសិក្សាពីបុរាណ ឥទ្ធិពលរបស់ ជីរអង្កាម ធ្វើឲ្យចរន្តឈាមរត់ក្នុងរាងកាយ មានភាពល្អប្រសើរឡើង និង ធ្វើឲ្យសាច់ដុំរឹងមាំ។
៣. ស្រូវសាឡី
អាចជួយកំចាត់ជាតិកូឡេស្តេរ៉ូលអាក្រក់ ចេញពីសរសៃអាទែបេះដូង។ 
៤. ផ្លែទំពាំងបាយជូរក្រៀម
វាល្អសម្រាប់សុខភាពអ្នក ដោយសារតែទំពាំងបាយជូរក្រៀមមានកម្រិតសូដ្យូមទៀត និង ផ្ទុកប៉ូតាស្យូម ខ្ពស់។ កត្តានេះហើយ ដែលធ្វើឲ្យបេះដូងអ្នកមានសុខភាពល្អបាន។
វាធ្វើអោយបេះដូងអ្នកមានសុខភាពល្អ ដោយសារទំពាំងបាយជូរក្រៀមមានកម្រិតសូដ្យូម និង ផ្ទុកប៉ូតាស្យូម ខ្ពស់។
៥. ត្រី
អាស៊ីតខ្លាញ់ត្រីអូមេហ្គា៣ គឺពិតជាល្អចំពោះសុខភាពបេះដូង ពីព្រោះវាមានផ្ទុកកូឡេស្តេរ៉ូលល្អ។ ពពួកត្រីសមុទ្រដូចជា ធូណា, សាល់ម៉ុង គឺពិតជាល្អចំពោះអ្នកពីព្រោះវាសម្បូរទៅដោយអាស៊ីតខ្លាញ់ អូមេហ្គា ៣។
កូឡេស្តេរ៉ូលល្អ មានក្នុង អាស៊ីតខ្លាញ់ត្រីអូមេហ្គា៣ វាជួយអោយបេះដូងមានសុខភាពល្អ។ ពពួកត្រីសមុទ្រដូចជា ធូណា, សាល់ម៉ុង សម្បូរទៅដោយអាស៊ីតខ្លាញ់ អូមេហ្គា ៣នេះ។
៦. ផ្លែចេក
សម្បូរប៉ូតាស្យូម ដែលជា សាធារជាតិចិញ្ចឹមដ៏សំខាន់ចំពោះ ទំនាក់ទំនងរវាង បេះដូង និងខួរក្បាល។ ដូច្នេះ គេចាត់ទុក ផ្លែចេក ជា ផ្លែឈើម្យ៉ាងដ៏ល្អ ក្នុងការរក្សាកម្រិតចង្វាក់បេះដូង។ 
៧. ខ្ទឹមស
ខ្ទឹមស គឺអាចយកចេញនូវជាតិកូឡេស្តេរ៉ូលអាក្រក់ចេញពីរាងកាយ ហើយវាក៏អាចបញ្ឈប់សកម្មភាព របស់រ៉ាឌីកាល់សេរី ក្នុងការបំផ្លាញដល់សុខភាពបេះដូងបានផងដែរ។ 
៨. អំបិល
ចង្វាក់បេះដូងញាប់មិនត្រឹមតែ ជាបញ្ហាចំពោះសុខភាពអ្នកនោះទេ កាលបើបេះដូងអ្នកដើរយឺតពេក នោះវាក៏ចោទជាបញ្ហាដល់អ្នក បានដូចគ្នាដែរ។
ការបន្ថែមអាហារ ដែលមានជាតិប្រៃបន្តិច ទៅក្នុងរបបអាហារ ប្រចាំថ្ងៃរបស់អ្នក ក៏អាចជួយដោះស្រាយបញ្ហានេះបាន។
៩. តៅហ៊ូ
ដោយសារតែ តៅហ៊ូ ធ្វើចេញពី សណ្តែកសៀង។ វាមិនត្រឹមតែមិនមានផ្ទុកនូវ កូឡេស្តេរ៉ូលអាក្រក់នោះទេ វាថែមទាំង សម្បូរនូវជាតិកាល់ស្យូម ដែលជួយធ្វើឲ្យចង្វាក់បេះដូងអ្នក ដើរបានត្រឹមត្រូវទៀតផង។
១០. សណ្តែកដី
សណ្តែកដី មានផ្ទុកខ្លាញ់ mono –saturated ល្អក្នុងការជួយបង្ការបេះដូងគាំង និង ធ្វើឲ្យបេះដូងមានជាតិរំអិល៕
